Superiorja mbyll sot sezonin e rregullt me ndeshjet vendimtare për fatin e shumë skuadrave. Vëmendja kryesore do të jetë te mbijetesa, ku katër ekipe – Bylis, Skënderbeu, Tirana dhe Laçi – do të luftojnë për qëndrimin në elitë. Dy prej tyre do ta mbyllin rrugëtimin në Superiore, duke rënë në Kategorinë e Parë.
Po ashtu, një sfidë e fortë pritet për vendin e katërt mes Partizanit dhe Elbasanit, që përballen direkt me pikë të barabarta në javën e fundit.
Ja dhe duelet e ditës së sotme, të gjitha në orën 15:30:
- Partizani – Elbasani
- Skënderbeu – Bylis
- Dinamo – Tirana (në “Egnatia Arena”)
- Vllaznia – Laçi
- Teuta – Egnatia (në “Niko Dovana”)
