Dhjetëra nxënës të shkollave të mesme të Shkodrës morën pjesë sot në forumin rinor “GenZë”, organizuar nga shërbimi psiko-social i Zyrës Vendore Arsimore Shkodër.
Ky forum kishte për qëllim fuqizimin e të rinjve përmes njohjes së të drejtave të tyre, ndërgjegjësimit për përgjegjësitë në komunitet dhe trajtimit të problematikave që i shoqërojnë në përditshmëri
Psikologë dhe punonjës socialë që ndjekin nga afër të rinjtë në mjediset shkollore evidentojnë se sfidat më të zakonshme janë ankthi dhe krizat e identitetit, të ndikuara nga ritmet e shpejta të jetës sociale dhe ndikimi i rrjeteve sociale.
Sipas psikologëve , në një shoqëri që ndryshon me ritme të shpejta dhe ku të rinjtë përballen çdo ditë me sfida të reja, nevoja për t’u dhënë atyre zë dhe mbështetje bëhet gjithnjë e më e domosdoshme.
