Mbaron afati, ja kush janë 68 kandidatët që garojnë për anëtarë të Këshillit Drejtues të RTSH...

Zbardhet lista e kandidatëve për anëtarë të Këshillit Drejtues të RTSH-së pas mbylljes së afatit të aplikimeve dhe dorëzimit të kërkesave, që ishte 7 marsi.

Në total do të jenë 68 emra që do të garojnë për 11 vendet në Këshillin Drejtues, pasi Parlamenti shkarkoi me propozim të Komisionit të Medias këshillin e parë si pasojë e shkeljeve të gjetura në procedurat për garën e drejtorit të përgjithshëm.

U raportua se kandidatët do t’i nënshtrohen dëgjesave në Komisionin e Medias. Në listë spikasin emra të njohur të artit, kinematografisë shqiptare dhe medias.

Mes tyre aktori i njohur Kastriot Çaushi, njëherazi edhe rektor i Universitetit të Arteve, aktorja Rajmonda Bulku, kompozitori Osman Mula apo edhe regjisorët Besnik Bisha, Robert Budina dhe Arjan Culiqi, aktorët Agim Bajko, Arben Derhemi, aktori dhe karikaturisti Bujar Kapexhiu, kompozitori Edmond Zhulali, gazetarët Rezear Xhaxhiu dhe Lorenc Vangjeli, si dhe Ylljet Alliçka e të tjerë, të cilët do jenë në garë për anëtarë të bordit drejtues të televizionit publik.

Pas shkarkimit të 11 anëtarëve të këshillit drejtues të RTSH për shkeljen e procedurave në garën për drejtor të përgjithshëm të televizionit, dhe një sërë shkeljesh të tjera për konflikt interesi deri në kufijtë e shpërdorimit të detyrës, Kuvendi ka nisur edhe procedurat për përzgjedhjen e bordit të ri. Vendimi u mor nga Parlamenti në seancën e 17 shkurtit me votim.

Deri në datën 4 mars ishin dorëzuar 55 kandidatura, kurse tani numri ka arritur përfundimisht në 68 garues.
Lista e 68 kandidatëve për Këshillin Drejtues të RTSH: