Universiteti i Shkodrës “Luigj Gurakuqi” do të pajiset së shpejti me një laborator të ri dozimetrik, falë mbështetjes nga projekti “Laboratori Dozimetrik Sekondar për Monitorimin e Ekspozimit ndaj Rrezatimit Jonizues të stafeve mjekësore të Rajonit të Veriut”, financuar nga thirrja PIKSH e AKKSHI-së.
Ky laborator do të drejtohet nga pedagogia Klotilda Nikaj dhe pritet të ofrojë:
- Vlerësim dozimetrik personal për rrezatimin neutronik
- Mbrojtje dhe kujdes për punonjësit e ekspozuar në rajonin e Veriut
- Pajisje moderne për kërkim shkencor në fushën e dozimetrisë termolumineshente
Gjatë takimit të zhvilluar me grupin e punës, u diskutuan të gjitha detajet për zbatimin sa më cilësor dhe të suksesshëm të këtij projekti me rëndësi të veçantë për shëndetin dhe sigurinë në punë.
