Është identifikuar 70-vjeçari që humbi jetën mesditën e sotme në plazhin e Velipojës.
Sipas policisë i moshuari është identifikuar si R.B me shtetësi malazeze. 70-vjeçari ka qenë duke u larë në det dhe dyshohet se ataku kardiak është shkaktari i humbjes së jetës.
Ndërkohë po vijojnë hetimet për zbardhjen e plotë të ngjarjes.
Njoftimi:
Rreth orës 15:05, shtetasi malazez R. B., 70 vjeç, duke u larë në det, dyshohet se ka pësuar arrest kardiak dhe si pasojë ka humbur jetën.
Grupi hetimor vijon punën për sqarimin e plotë të rrethanave të rastit.
