Mbetjet mbushin brigjet e Kirit, në afërsi të Varrezave të Dëshmorëve Shkoder…

Kjo është situata aktuale pranë brigjeve të lumit Kir,  në afërsi të Varrezave të Dëshmorëve.Tonelata mbetjesh të ndryshme bashkë me ato inerte hidhen pa kriter në këtë zonë duke u kthyer në një problem mjaft serioz .

Devijimi i rrjedhës së lumit Kir për shkak të ndotjes që po i bëhet shtratit të tij pasohet nga dëme të mëdha mjedisore.

Depozitimi i mbetjeve të ngurta përbën shqetësim jo vetëm për banorët, por edhe ka ndikim në ndotjen mjedisore që shkakton tek Lumi Kir duke mos lënë këtu dhe prishjen e imazhit të Varrezave të Dëshmorëve.Në të njëjtën kohë nuk dihet ende se deri kur kjo situatë e papranueshme do të vijojë të jetë në këtë gjendje, kur mendon këto pamje janë vërtet skandaloze ku mbetjet lulëzojnë çdo ditë.