Komuniteti Mysliman i Shqipërisë ditën e nesërme, datë 02 Mars 2024 ka zgjedhjet për kryetarin e ri, i cili do drejtojë KMSH-në për 5 vitet e ardhshme.
Janë bërë publike dhe kandidaturat për zgjedhjet për Kryetar të Komunitetit Mysliman të Shqipërisë
Postimi i plotë:
NJOFTIM
Më 02 mars 2024, në ambientet e Medresesë së Tiranës, në orën 10:30, do të mbahen zgjedhjet për Kryetar të Komunitetit Mysliman të Shqipërisë, procedurë kjo e cila zhvillohet në përfundimin e mandatit 5-vjeçar të kryetarit aktual, i zgjedhur ky i fundit më 02 mars të vitit 2019.
Nisur nga kjo, informojmë opinionin publik dhe anëtarët e Këshillit të Përgjithshëm të KMSH-së, se kandidaturat zyrtare për kryetar në këto zgjedhje, të dorëzuara dhe të miratura konform çdo parashikimi statutor nga kryesia e institucionit, vijojnë si më poshtë:
Bujar Spahiu, Kryetari aktual i institucionit
Eduard Shefki, Administrator i myftinisë së Durrësit
Emirjon Vathaj, Myfti i Beratit
Ju urojmë suksese kandidatëve në prezantimin e platformave përktëse përpara Këshillit të Përgjithshëm të Komunitetit Mysliman të Shqipërisë.
