Reshje shiu dhe shtrëngata, parashikimi i motit për sot…

Dita e sotme, do të jetë në ndikim të kushteve atmosferike të paqëndrueshme. Moti parashikohet të jetë me vranësira dhe reshje shiu.

Reshjet pritet të jenë prezente që në orët e para të 24-orëshit, me intensitet të ulët deri mesatar.

Gjatë ditës reshjet e shiut, do të mbeten prezente të herëpasherëshme me intensitet të ulët deri mesatar.

Në intervale të shkurtra kohore reshjet e shiut, do të jenë në formën e shtrëngatave.

Era parashikohet të jetë nga veriperëndimi me shpejtësi mesatare deri në 7m/sek, e cila përgjatë vijës bregdetare hera-herës fiton shpejtësi deri në 10m/sek.

Valëzimi në dete i forcës 1-2 ballë.