![](https://www.realitetipost.net/wp-content/uploads/2022/05/png_20220505_122819_0000-1024x512.png)
![](https://www.realitetipost.net/wp-content/uploads/2024/01/IMG-20231215-WA0023.jpg)
Shkodër/Goditet një tjetër rast i prerjes së paligjshme të pyjeve.
Transportonte me kamion, lëndë drusore pa dokumentacionin përkatës, procedohet penalisht 50-vjeçari.
Sekuestrohen sasia e druve e prerë në mënyrë të paligjshme dhe kamioni.
Specialistët për Hetimin e Krimeve të Komisariatit të Policisë Shkodër, në zbatim të planit të masave për parandalimin dhe goditjen e krimeve mjedisore, goditën një tjetër rast të prerjes së paligjshme të pyjeve. Si rezultat u referuan materialet në Prokurori, ku filloi procedimi në gjendje të lirë për shtetasin F. C., 50 vjeç, banues në fshatin Boks-Postribë, Shkodër.
Ky shtetas u kap nga shërbimet e Policisë, në vendin e quajtur “Hot i Ri”, Shkodër, duke transportuar me një automjet tip “Mercedez Benz”, 10 m3 dru për zjarr, pa dokumentacionin përkatës. Sasia e druve, bashkë me automjetin, u sekusestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
![](https://www.realitetipost.net/wp-content/uploads/2023/09/IMG-20230919-WA0024-1024x576.jpg)
![](https://www.realitetipost.net/wp-content/uploads/2023/09/IMG-20230919-WA0023-1024x576.jpg)