![](https://www.realitetipost.net/wp-content/uploads/2022/05/png_20220505_122819_0000-1024x512.png)
![](https://www.realitetipost.net/wp-content/uploads/2024/01/IMG-20231215-WA0023.jpg)
Java e nëntë e Kampionatit Kombëtar të futbollit për Superligën e moshave U19, ka ballafaquar në stadiumin “Reshit Rusi” të Shkodrës, Vllazninë U-19 dhe Tiranën U-19. Një klasike për Superligën e 19 vjeçarëve mes dy ekipeve që vetëm dy pikë i ndanin nga njëra tjetra, Vllaznia me 14 pikë dhe Tirana me 12. Vllaznia fiton me rezultatin 1 me 0, falë atij goli mjeshtror shënuar nga Kevin Dodaj në minutën e 36-të të ndeshjes. Gol ky që konfirmon kështu formën shumë të mirë sportive që po kalon sulmuesi kuqeblu, i cili javën e kaluar pati debutimin e tij të parë me Vllazninë e madhe në transfertë përballë Egnatias vendase.
![](https://www.realitetipost.net/wp-content/uploads/2023/12/20231203_150207_0000-1024x256.png)
Në pronononcimin e pas ndeshjes, trajneri Vioresin Sinani u shpreh i kënaqur për fitoren, ndërsa komplimentoi edhe autorin e golit Kevin Dodaj, por edhe Ersi Zaganjorin, futbollistë këto që janë pjesë e skuadrës së parë.
Pas ndeshjes ka folur edhe autori i golit të fitores, Kevin Dodaj, duke premtuar se do të punojë fort për t’i shërbyer ekipit U19 si dhe ekipit të parë.
![](https://www.realitetipost.net/wp-content/uploads/2020/02/reklamaaa.png)
Pas kësaj fitoreje, Vllaznia U19 është barazuar me pikë me Partizanin, në krye të tabelës së klasifikimit.