Më 21 qershor do të mbahen zgjedhjet për autoritetet dhe organet drejtuese në universitetet publike. Njëri prej kandidatëve për rektor të UNISHK “Luigj Gurakuqi”, prof. dr. Tonin Gjuraj në daljen e tij publike prezantoi një vizion të përgjithshëm sa i përket drejtimit të këtij universiteti.
Ndërkohë kandidati Gjuraj përmes mediave përcolli mesazhin e bashkëpunimit duke ftuar edhe kandidatët e tjerë në garë për drejtimin e këtij universiteti.
Tonin Gjuraj është një nga emrat e njohur në vend me kontribut të spikatur në fushën akademike dhe atë diplomatike brenda dhe jashtë vendit. Veç tij në garë për Rektor janë edhe prof. dr. Rajmonda Këçira dhe prof. dr. Nertila Ljarja.
