![](https://www.realitetipost.net/wp-content/uploads/2022/05/png_20220505_122819_0000-1024x512.png)
![](https://www.realitetipost.net/wp-content/uploads/2024/01/IMG-20231215-WA0023.jpg)
Rrjeti social Instagram ka bërë të mundur që të gjithë përdoruesit të shkarkojnë Reelsat të postuara në profilet publike.
Kreu i Instagramit, Adam Mosseri, e ka zbuluar këtë informacion përmes kanalit të tij të transmetimit dhe ka konfirmuar se të gjithë përdoruesit e kësaj platforme mund të shkarkojnë Reelsat të publikuar në të gjitha profilet publike.
Megjithatë, përdoruesit e profileve publike e kanë opsionin e disponueshëm për të çaktivizuar shkarkimin e postimeve individuale ose të gjitha postimeve të publikuara në profil. Për përdoruesit e profileve publike nën moshën 18 vjeç, shkarkimet janë çaktivizuar si parazgjedhje.
Pas një periudhe testimi, Mosseri njoftoi në qershor se funksioni ishte i disponueshëm për përdoruesit në SHBA dhe tani ka arritur në të gjithë botën.
Ngjashëm me platformën TikTok, opsioni i shkarkimit ndodhet nën butonin “share”.