Komisioni i Pavarur i Kualifikimit (KPK) shkarkoi të mërkurën gjyqtaren e Gjykatës së Rrethit Shkodër, Ermira Dedja.
Trupa e KPK-së e kryesuar nga Pamela Qirko, me relatore Etleda Çiftjan dhe anëtar Roland Ilian, njoftoi vendimin e shkarkimit pas seancës dëgjimore, në të cilën Dedjes iu vunë në dukje një sërë problemesh në kriterin e pasurisë dhe profesionalizmit.
Ermira Dedja e ka filluar karrierën në sistemin e drejtësisë në vitin 1993 dhe punon prej gati tri dekadash si gjyqtare në Gjykatën e Rrethit Shkodër.
