Viti 2022 ka nisur me interes më të lartë të qytetarëve por edhe bizneseve për të ndërtuar. Sipas kryeinspektorit të IMT në Bashkinë Shkodër, Gentian Ibro, pjesa më e madhe e kërkesave për leje janë punime riparuese.
Ibro i druhet fushatës zgjedhore, e cila mund të japë impaktin e saj për tentativë të bizneseve në ndërtime të paligjshme. Ndaj Ibro thotë se asnjë tolerim nuk do të ketë dhe çdo konstatim do të proçedohet.
Në harkun kohor të 3 viteve të fundit në territorin e Bashkisë Shkodër, Inspektoriati i Mbrojtjes së Territorit, ka konstatuar rreth 840 ndërtime pa leje. Për rastet në fjalë, kryeinspektori Gent Ibro thotë se ka kryer proçedurat e nevojshme që kanë të bëjnë me penalizimin, prishjen e objektit apo proçedimin penal. Në rastet kur objektet janë në proçes legalizimi, Inspektoriati nuk ndërhyn thotë Ibro deri në momentin që legalizimet japin vendimin përfundimtar.
