Duke qenë se ata janë cilësuar si grupmosha më e riskuar nga pandemia e koronavirusit, të moshuarit prej dy muajsh thuajse nuk kanë dalë fare nga shtëpitë.
Një ndër institucionet që qenë në karantinë strikte këto kohë është dhe Shtëpia e të Moshuarve në Shkodër.
Për këtë arsye “E Diell”, ka zgjedhur të suprizojë të moshuarit në këtë institucion, duke realizuar një koncert muzikor, me të ftuar artistët: Mukades Canga, Besnik Cinari, Bujar Qamili dhe Drande Xhai.
Janë vërtetë momente emocionuese kur shikon të moshuarit tek vallëzojnë, këndojnë dhe kënaqen me muzikën e bukur shkodrane. Për më shumë ju ftojmë të ndiqni videon e mëposhtme.
