Edi Rama, sa herë vjen në Shkodër, shfaq urrejtjen për shkodranët!
Sot, gjatë fjalës së tij, kryeministri ne ikje akuzoi dhe u tall me qytetarët e veriut. “Flenë herët e zgjohen vonë”, tha për shkodranët, i çmenduri i Surrelit.
Thashë – jo nuk ka mundësi, nuk e besova kur e lexova dhe pashë videon. Dëgjova me zë Kryeministrin gjasmë socialist të thotë për punëtorët e huaj: “i ke pronto, nuk dinë as shqip të merren me thashetheme. Kur të fillojnë të mësojnë shqip fillo dhe ndërroji se fillojnë thashethemet, u hyn krimbi, jo politika, jo demokracia, jo liria.”
Po si ka mundësi që i pari i vendit ofendon në një mënyrë të tillë qytetarët? Ky është Edi Rama.
Të gjithë këtë gjuhë urrejtje e ka nga fakti që ai nuk arrin të marrë as 2 mandate në qarkun tonë. Ai e ka të qartë se qytetarët nuk e votojnë sepse ka diskriminuar dhe persekutuar veriun.
Edi Rama dhe shkodranët janë dy drejtëza të kithta që nuk bashkohen kurrë.
Prandaj edhe lista e deputetëve që prezantoi sot, ishte importuar nga Tirana. Sepse Shkodra nuk është pjesë e hartës së tij. Nuk ishte kurrë përgjatë 8 viteve, në asnjërin prej 8 buxheteve të qeverisë nuk kishte investime për qytetin tonë.
Edi, shkodranët do të ta japin mesazhin, ty dhe listës tënde anonime! Më 25 prill, Shkodra FITON
