“Me kryetarin e bashkisë Vau Dejës, z. Mark Babani, njihemi prej kohësh. Kemi ndarë shpesh mendime për zhvillimin e zonës falë dy shtyllave: turizmit dhe bujqësisë dhe së fundmi, pata kënaqësinë të dëgjoja që një pjesë e atyre diskutimeve janë tashmë duke u vënë në zbatim. Investimi në toka bujqësore apo transformimi i banesave në bujtina për të pritur turistë vendas dhe të huaj sjell më shumë të ardhura në familjet e zonës dhe është një vlerë e shtuar për qarkun Shkodër”, shkruan Edona Bilali.
