Mes bujarisë, mikpritjes, dhe mbështetjes që e gjen vetëm në Shllak të Bashkisë Vau Dejës!
Aty ku për 8 vite me radhë investimet nga Qeveria Qendrore kanë qenë inekzistente!
Në qeverisjen tonë të përbashket jemi gjendur pranë këtyre familjeve, që jetojnë atje gjatë gjithë vitit duke bërë të mundur ofrimin e shërbimeve për ta:
Ndërtimin e shkollës fillore në fshatin Kroni i Madh, Viti 2017-2018.
Rikonstruksionin e Shkollës tetëvjeçare në Log-Gegaj, Viti 2017-2018.
Rikonstruksionin e Qendrës Shëndetësore në Log-Gegaj, Viti 2017
Rikonstruksionin e plotë të godinës së Njësisë Administrative Shllak, Viti 2016-2017.
Mirëmbajtjen e rrugës së Shllakut, gjatë gjithë qeverisjes 2015-2019.
Ju kemi dhënë mbështetje të vazhdueshme me ndihma, të gjitha familjeve, për të përballuar stinën e dimrit, e izolimin nga kushtet e motit.
Por Shllaku meriton më shumë se kaq!
Në fjalën përshëndetëse u shpreha falenderimet për çdo banor të kësaj njësie, të cilët më kanë dhënë përherë një mbështetje, të jashtëzakonshme. Njëkohësisht, u premtova banorëve se me ardhjen në pushtet të Partisë Demokratike me Lulzim Bashën Kryeministër, kjo zonë do të marrë një rëndësi të veçantë, si një zonë turistike dhe do të ketë zhvillimet e duhura.
I sigurova që rrjetit elektrik të amortizuar, që vazhdon të jetë si 50 vite më parë, duke lënë herë pas here banorët në errësirë, do t’i jepet zgjidhje e menjëhershme, çdo fermer do të subvencionohet, çdo fëmijë do të arsimohet, të rinjtë e Shllakut nuk do të emigrojnë, por do të punojnë në vendin e tyre, banorët do të kenë një mirëqenie brenda standarteve, dhe e gjithë zona do të mbështetet me investime.
Banorët përgëzuan punën dhe mbështetjen e vazhdueshme të Kandidatit për deputet të Partisë Demokratike, z.Zef Hila dhe premtuan një mbështetje maksimale për të!
Më 25 Prill, me qeverisjen e Partisë Demokratike Shllaku do të marrë vëmendjen e merituar!
#25 prill Shllaku fiton #Shqipëria fiton!
