Parku i Bexhistenit do të jetë nyja ndërlidhëse e të gjithë trashëgimisë historike e natyrore të qytetit me kalanë “Rozafa”, Liqenin e Shkodrës dhe lumin Buna, duke ofruar një atraksion të vecantë për të gjithë banorët, bizneset dhe turistët.
Sot u zhvillua një takim pune mes kryetarit z. Bardh Spahia dhe stafit të Bashkisë Shkodër me stafin e Fondit Shqiptar të Zhvillimit, kryesuar nga drejtori i tij, z. Dritan Agolli.
“Master plani i ndërhyrjeve për hyrjen e qytetit të Shkodrës dhe rikualifikimit të bregut perëndimor të Liqenit të Shkodrës” prezantuar nga Casanova Hernandez architects / SRP / SRP-AE Studio, është projekti konkret i rradhës i cili do të rikualifikojë parkun në hyrje të qytetit duke dhënë një vizion të ri për zhvillimin e qëndrueshëm e në shërbim të turizmit për portën hyrëse të Shkodrës.
