Pandemia e koronavirusit duket se është qertsuar më shumë gjatë ditëve të fundit, ku nurmi i viktimave dhe të infektuarve në shumë vende ka ardhur duke u ulur. Në një studim më të fundit në kuadër të ecurisë së virusit shkencëtarët kanë zbuluar një mutacion unik ndaj koronavirusit në Arizona dhe është një model që ata e kanë parë edhe më parë.
Studiuesit në një nga 382 mostrat që ata mblodhën nga pacientët me koronavirus në këtë shtet, mungonte një segment i konsiderueshëm i materialit gjenetik. Ato konstatuan se një gjë e tillë kishte ndodhur dhe në një nga fazat e mesme dhe të vonë të epidemisë SARS të vitit 2003, i cili filloi të rritet tek pacientët në të gjithë globin.
Shkencëtarët pohojnë se një mutacion i tillë e bën infeksionin më të dobët. Tani, studiuesit e Universitetit Shtetëror të Arizonës kanë gjetur vetëm një person që kishte këtë version, por ata thonë se kur koronavirusi të bëhet më i zakonshëm mund të gjejnë plot raste të tjera.
Mediat ndërkombëtare bëjnë me dije se autori i kryesor i studimit Dr Efrem Lim ka theksuar se kjo është diçka që kemi parë edhe më parë në shpërthimin e SARS në 2003 gjatë fazës së mesme dhe të vonë të shpërthimit.
Ashtu si ADN-ja në qelizat tona, edhe materiali gjenetik i viruseve është i prirur për mutacion. Disa viruse ndryshojnë vazhdimisht, duke i bërë ato më të vështira për t’i trajtuar dhe parandaluar.
HIV pëson mutacione të shpeshta dhe bën miliarda kopje të vetes në një ditë të vetme. Këto tipare të kombinuara e bëjnë jashtëzakonisht të vështirë kontrollin dhe lejojnë që virusi të bëhet rezistent ndaj ilaçeve.
Nga sa dimë deri tani, virusi që shkakton pandeminë aktuale – SARS-CoV-2 – është shumë i ngjashme me HIV. Kjo është edhe e mirë edhe e keqe. Nga njëra anë, sa më pak që virusi pësojë mutacion, aq më shumë janë shanset tona për të bërë një vaksinë që mund ta bllokojë në mënyrë efektive.
Por deri sa të kemi një vaksinë e cila mund të vonohet për një periudhë të gjatë kohore, koronavirusi mund të infektojë miliona njerëz dhe të vrasë qindra mijëra të tjerë. Ndërkohë në fund të materialit studiuesit theksojnë se disa mutacione me të vërtetë mund të funksionojnë në dobi tonë.
