Në kuadër të Samitit të Ballkanit të Hapur, ka nisur nënshkrimi i marrëveshjeve të reja rajonale mes tre vendeve, pjesëmarrëse në këtë nismë.
Të parët që nënshkruan marrëveshjet ishin krerët e tre shteteve të rajonit të Ballkanit Perëndimor, kryeministri i Shqipërisë, Edi Rama, homologu i Maqedonisë së Veriut, Zoran Zaev dhe presidenti i Serbisë, Aleksandër Vuçiç.
Këto janë pesë marrëveshjet e nënshkruara:
1. Marrëveshje mbi kushtet për lëvizjen e lirë në tregun e punës në Ballkanin Perëndimor
Niveli i Firmëtarëve: Liderët
2. Marrëveshje për interkoneksionin e skemave për identifikim elektronik të qytetarëve të Ballkanit Perëndimor.
Niveli i firmëtarëve: Liderët
3. Marreveshje mbi bashkëpunimin në fushën e veterinarisë, ushqimin dhe sigurinë ushqimore dhe kushtet fitosanitare në Ballkanin Perëndimor.
Niveli i Firmëtarëve: Ministri i Bujqësisë
4. Marrëveshje mes qeverisë së Republikës së Serbisë dhe Këshillit të Ministrave të Republikës së Shqipërisë në njohjen e përbashkët të operimeve ekonomike mes vendeve- siguria dhe autorizimet e sigurisë(AEOS)
Niveli i Firmëtarëve: Ministri i Ekonomisë dhe Financave
5. Marreveshje mes qeverisë së Republikës së Maqedonisë së Veriut dhe Këshillit të Ministrave të Shqipërisë në njohjen e përbashkët të operimeve ekonomike mes vendeve- siguria dhe autorizimet e sigurisë(AEOS)
Niveli i Firmëtarëve: Ministri i Ekonomisë dhe Financave
