Komisioni Qendror i Zgjedhjeve ka pranuar ditën e sotme regjistrimin e PSD-së si parti garuese më 25 prill, por me kryetar Engjëll Bejtja, dhe jo Tom Doshin.
Ky i funidt ka reaguar për News24 dhe është shprehur se në zgjedhjet e 25 prillit do të jetë ai kryetari i Partisë Social Demokrate në listat zgjedhore.
Doshi sqaron ndër të tjera se në një mbledhje të strukturave të partisë është votuar që ai të jetë kryetar, por që vendimi në fjalë të marrë formë të prerë edhe në gjykatë duhet pritur data 19 shkurt.
Nisur nga ky fakt, PSD për të mos shkelur afatin e regjistrimit në zgjedhje vendosi t’i drejtohej KQZ-së me emrin e kryetarit Engjëll Bejtja.
Doshi shton gjithashtu se pas 19 shkurtit, pasi vendimi që ai është rikonfirmuar sërish në krye të PSD-së të marrë formë të prerë, do të jetë ai kryetari. Madje shton se do të garojë në katër qarqe.
